من 7 سنين كل حدى مننا ترك البيت اللي ربي فيه وبلشت رحلة الشتات والانتقال بالغربة، هي كانت بعيدة عن كل أهلها وأنا كنت فاقد تماماً لشعور الاستقرار بغربتي الطويلة وبعدي عن بيتي وأهلي ومدينتي, كان الهدف بالبداية نكمل دراستنا وبعدين صار هدفنا الأهم نقدم العون بالطريقة اللي منقدر عليها لأهلنا اللاجئين بالأردن، التقينا وجمعنا الخير وبرغم كل الظروف الصعبة وصلنا لليوم اللي ربنا اخترلنا فيه التوفيق لنكون تحت سقف بيت واحد ونشعر لأول مرة بالاستقرار المؤقت اللي فقدنا شعوره من سنين. أنه نكون تحت سقف بيت آمن هي نعمة كبيرة حتى لو هالبيت مو النا فعلياً! فكيف اللي بكون بيته إله وبيفقده بلحظة! ولأن شعور الإمتنان ما بينتهي إلا بالعطاء قررنا فاتحة هالخير اللي ربنا وفقنا فيها تكون خير على ناس بحاجتها كمان والجزء اللي قدرنا نوفره من تكلفة الزفاف وهدايا الأحباب تم تخصيصه لبناء غرفتين لإيواء أهلنا النازحين من إدلب ضمن مشروع الألف غرفة. هالغرفتين يمكن يبقوا غرفتين ويأووا عيلتين هاربين من القصف والموت ونكون عالقليلة عبرنا ولو جزء عن امتنانا لكل اللي صار حتى وصلنا لهاليوم، وممكن معكم هالغرفتين يصيروا أكتر!