عيد ميلادي السنة دي خاص نوعا ما لسببين أولاً لأنه بحتفل بمرور سنة كانت تحويل كبير جدا بنسبه لي بحلوه ومرها وثانياً عشان بتمنى السنة الجديده تكون غير ومختلفه وأحقق حاجات حلمت بها كتير عشان كده عايزه اليوم ده يكون مميز وافتكره. فكرت إن قد ايه أنا بيعني لي أطفال العالم كله والعربي خاصة، ولأني عشت أيام طفوله رائعه جدا وبفتكر الأيام دي كويس وأثرت فيا بشكل إيجابي. قررت السنه دي أحتفل باليوم ده بشكل خاص وجديد وقريب لقلبي مع أطفال سوريا. عشان يكون عندهم أيام طفوله حلوه يتذكرها ويحكوا عنها لما يكبروا وأن لو بشكل بسيط أقدر أسعدهم يوم واحد في رحلتهم في الحياه. لإيماني الشديد وحبي الكبير للأطفال. شكرا ملهم أنكوا سبب في تحقيق ده. شكرا علمتني كنز عشان عرفتيني بملهم.