بعيد اكرم الثالث، وبهالفتره اللي كثير بنحكي لاكرم عن النعم اللي هو فيها، واللي بلش يفهم انها مفهومه ضمنا وهي ابدا لا، حبينا بهاليوم يكون سبب لفرحة وابتسامة اطفال ثانيين، والمصاريف اللي كل سنه بنحطهن لنحتفل فيه بالبيت نختصرها ونتبرع فيها، بلشت الفكره حفله ل ٥٠ طفل، وانضمتلنا خالته لاكرم( عبير صاحبة صندوق سنابل الخير والعطاء)، ووسعنا الفرحه لتكون ل ٢٥٠ طفل. رح يتوزع عليهم احذية،جواكيت وبطانيات. الفرحه من يوم ما فكرنا بالهفكره مش واسعتنا، واكرم كل يوم بسال اذا الاولاد لبسو البوت الجديد او لا. بنتامل لقدام وبعد ما ننشر الفكره ببلدنا وبين اصدقاءنا نقدر نتبرع لاحتياجات ثانيه وقصص ثانيه، ع امل بشي يوم يبطل في شي اسمه مخيم، ولكل طفل يكون بيت يحتويه ويحترمه. مش رح نحط صوره لاكرم، احتراما لمشاعر باقي الاطفال، بس بنطلب يكون بوستر مكتوب في كتابه،\" عيد اكرم العمر الثالث في مخيم.....\" واسم المخيم.. ليكون ذكرى اله. بس رح ارفق صوره لصندوق سنابل الخير والعطاء.. طبعا الهم الحصه الاكبر بالتبرعات.