أطفال بلا طفولة.. فقدوا كل معاني الفرح والسعادة ويمكن نسيوا شو يعني هدية او قطعة شوكولا.. كل ما بتطلع ببنتي من لما خلقت لهلأ وبشوف ضحكتها بحس انو بدي اعمل كلشي بس لتضل هالضحكة مزينة وشا.. متلي متل كل أمهات وأباء العالم .. بس شو يعني لما تشوف ابنك زعلان ويمكن مرضان وعم يعاني وما تقدر تسعدو ولو حتى ب بسكوتة.. هاد هو القهر بحد ذاتو.. ولأنو بدي بنتي تكبر وتعرف انو هي من سوريا ووجع هالأطفال هو كمان وجعها، قررت ومن زمان كتير انو عيد ميلادها الأول يكون هونيك مع أطفال المخيمات.. لانو وشو ما كان يلي عم نقدمو بسيط ف ضحكة طفل واحد منهن هي العالم ب أكملو.. بدي ألما تكبر وتعرف انو طالما في ناس مظلومين بهالعالم نحنا مافينا نعيش وننساهن..